World Egg Day 2022 was celebrated at the Faculty of Veterinary and Animal Sciences, IUB

پی آر نمبر 407/22
 مورخہ 18/10/2022
ڈائریکٹوریٹ آف پبلک ریلیشنز، اسلامیہ یونیورسٹی بہاول پور 
انڈے کا عالمی دن 14 اکتوبر 2022 کو شعبہ پولٹری سائنس، فیکلٹی آف ویٹرنری اینڈ اینیمل سائنسز، اسلامیہ یونیورسٹی آف بہاولپور میں منایا گیا۔ اس شاندار تقریب کے ساتھ پولٹری سائنس ڈیپارٹمنٹ نے ''انڈے کے غذائی فوائد اور ہمارے صحت مند طرز زندگی میں اس کا کردار'' کے موضوع پر ایک آگاہی سیمینار کا انعقاد کیا۔ سیمینار سے خطاب کرتے ہوئے ایسوسی ایٹ پروفیسر ڈاکٹر شکیل احمد، چیئرمین شعبہ پولٹری سائنس نے انڈوں کے عالمی دن کی اہمیت اور بہتر صحت کے لیے انڈے کے استعمال کے فوائد پر روشنی ڈالی۔انہوں نے مزید کہا کہ طلباء اور دیگر فیکلٹی ممبران انڈے کھانے کے بارے میں آگاہی پیدا کرنے اور انڈے سے متعلق تمام غلط فہمیوں کی نفی کرنے میں اپنا کردار ادا کریں۔ پولٹری سائنس کے اسسٹنٹ پروفیسر ڈاکٹر عبدالغیاث نے ایک تفصیلی لیکچر دیا جس میں پاکستان کے ساتھ ساتھ ترقی یافتہ ممالک میں انڈے کی پیداوار اور انڈوں کی کھپت کے تازہ ترین اعدادوشمار بتائے گئے۔ پروفیسر ڈاکٹر محمد خالد منصور، ڈین فیکلٹی آف ویٹرنری اینڈ اینیمل سائنسز نے اپنے اختتامی کلمات میں انڈے کھانے کی غذائیت کی اہمیت پر روشنی ڈالی اور اس تقریب اور سیمینار کے انعقاد پر پولٹری سائنس کے شعبہ کی کاوشوں کو سراہا۔ان کے مطابق یہ سیمینار انڈوں کے فوائد کے بارے میں شعور اجاگر کرنے کا ایک منفرد موقع ہے۔ سیمینار میں فیکلٹی ممبران، طلباء، پولٹری انڈسٹری سے تعلق رکھنے والے مہمانوں اور مقامی پولٹری فارمرز سمیت بڑی تعداد میں شرکاء نے شرکت کی۔ سیمینار کے اختتام پر شرکاء نے آگاہی واک میں بھی حصہ لیا۔ آگاہی پیدا کرنے کے لیے سیمینار کے شرکاء، فیکلٹی ممبران، فیکلٹی آف ویٹرنری شعبہ کے طلباء کے ساتھ ساتھ زولوجی، بوٹنی کے طلباء اور عام لوگوں میں انڈے تقسیم کیے گئے۔ فیکلٹی آف ویٹرنری اینڈ اینیمل کی طالبات کے درمیان انڈے پکانے کے مقابلے کا بھی اہتمام کیا گیا۔ فیکلٹی کے لڑکوں کے لیے انڈے کھانے کا مقابلہ بھی اس ایونٹ کا حصہ تھا۔ اس تقریب کے لیے انڈے شبیر پولٹری ملتان (شجاع آباد گروپ آف انڈسٹریز) کی طرف سے مفت فراہم کیے گئے تھے۔